صيدا بتقدر
مدينة بتساعد بعضها، كلّ واحد باللي بيقدر
عندك غرض ما بقى بحاجة إلو؟ عندك مهارة أو شوية وقت؟ في حدا بصيدا ممكن يكون بحاجة لمساعدتك. خلّينا نربط الحاجة بالقدرة، ونساعد بعض.
اكتشف الحاجات
أثرنا سوا، مباشرةً
أرقام حقيقية من المنصّة — ما في ولا رقم مخترع.
كيف منشتغل
كلّ واحد فينا عنده شي بيقدر يقدّمه، وكلّ واحد ممكن يحتاج مساعدة بوقت معيّن.
إذا بدّك مساعدة
- 1خبرنا شو بتحتاجعبّي طلب بسيط. اسمك ورقمك بيضلّوا سرّيين.
- 2منلاقي مين بيقدر يساعدمنقسم الطلب لمهام صغيرة ومنلاقي العروض المناسبة.
- 3سوا مننجزهاكل حدا بيساعد بشي، ومنحتفل بالنتيجة.
إذا فيك تساعد
- 1قول شو فيك تقدّمغرض، ساعة من وقتك، مهارة أو سيارة.
- 2اختار مهمةشوف الحاجات بحيّك وكبس «فيّي ساعد».
- 3بتحكوا بخصوصيةبعد ما الطرفين يوافقوا، بتنفتح محادثة بدون ما حدا يعطي رقمه.
هيك بتصير الأمور بصيدا 😄
التردمل اللي صار تعليقة ثياب بالبيت؟ في حدا بصيدا ناطره ليرجع يركض عليه. فكّ الغسيل عنه وخلّيه يرجع يمشي!
طالب بحاجة لطاولة دراسة. واحد عنده طاولة قديمة، نجّار بيصلّحها، وجار عنده سيارة بينقلها. ثلاث أشخاص، حاجة وحدة انحلّت.
الغيتار اللي عم يجمع غبرة فوق الخزانة من أيام الجامعة؟ في ولد عم يحلم يعزف أول نغمة.
البسكليت الصغيرة اللي ولادك كبروا عليها؟ في ولد بالحارة رح يطير فيها عالكورنيش.
طبخت طبخة وعملت زيادة كالعادة؟ صحن لجارتك الختيارة بيعملّها نهارها.
ماكينة الخياطة اللي بالسقيفة من زمان؟ في ستّ بدها تفتح مشروع صغير من بيتها.